【am730訊】【AM故事】「拆就易，要保留就難！」城市發展難免需要去舊迎新，但拆卸重建的背後，歷史以至集體回憶往往亦隨之消失。3名本港積木界創作高手，在無電腦的輔助下，一雙巧手「一磚一瓦」把經已清拆的舊中環郵政總局、紅燈綠頂的傳統大牌檔，以及過百歲的古蹟舊立法會大樓，鉅細無遺地重現你我眼前，期望勾起港人集體回憶的同時，亦喚醒社會重視文化保育。 記者：賴銘傑分別擁有近9年、7年及5年積木創作經驗的Andy、Benny及Dick，繼去年在「香港文物探知館」及「展城館」砌出「歲月流轉尖沙咀」系列後，再次以集體回憶作為創作題材，當中更蘊含他們對自己的家——香港，因發展而不斷消滅過去的感觸，「香港好多嘢都消失緊，希望(用積木)keep住啲回憶，等下一代都知，香港曾經擁有過啲咩」。
比例改變不失莊嚴 毗連皇后像廣場的舊立法會大樓，不僅是本港少數現存完好的二十世紀初建築，亦是Andy當年與妻子拍攝婚紗照的地方，「所以都有一份情意結喺裡面，想借呢個機會搵番自己開心嘅回憶……同埋(舊)立法會喺香港人心目中，都係一個好重要嘅標誌」。由構思到成型僅花了一個多月，Andy認為最難是控制比例，「要平衡番成個建築物嘅高度同闊度，啲柱位減咗，細心數吓同真實建築係有出入」，但他堅持保留圓拱門及正義女神像，「一定要砌番個(莊嚴)感覺出嚟」。 至於位於環球大廈現址的舊中環郵政總局，則是Benny努力半年的成品，特色是4層高的英國文藝復興建築，每層皆可獨立拆開，方便參觀者窺看內裡布局——從下而上劃分為服務台、匯款、郵務及辦公室樓層。Benny憶述：「當初上網搵到張相，覺得幢建築物好有特色，原來係第三代郵政總局，於是不斷搵其他資料……仲實地睇吓郵政總局嘅布局係點，然後自己加啲幻想」。在搜集舊資料期間，Benny更發現當年的郵政總局位處海邊，「後面係有條橋伸出去架船度收貨，可想而知一封信係點樣漂洋過海運到嚟！」 自覺身邊熟悉事物正不斷消失的Dick，則由3年前「多手」砌出一個大牌檔開始，陸陸續續把舊戲院、唐樓、單層巴士、運豬車，甚至熟食小販等，砌進他的街景世界內。Dick稱：「細個好多見到嘅嘢，依家都買少見少，雞蛋仔入晒舖，大牌檔都變晒熟食中心……」他形容，眼前的街景彷彿是香港已消失的一面。而傳統上居下舖的唐樓，雖仍可在一些舊區找到，但Dick認為，消失只是時間問題，坦言：「呢條街可以話係無限延伸，消失一樣就加一樣！」 籲借鏡澳門保育政策 面對虎豹別墅保留失敗、北九龍裁判法院變成貴族學校、中環天星碼頭更是整座拆走，3人對本港的保育及活化政策無不感到失望，「人哋有錢連祖屋都可以拆，我哋外人又可以做啲咩？」他們認為當局應仿傚澳門，以「區」作為保育單位，「好似澳門成個市中心都係文化遺產嚟，香港都可以保育成個中環同尖沙咀先」。對於政府以商業營運模式活化古蹟，3人不置可否，但異口同聲認為：「只係冇辦法中嘅辦法」。 11月年度展近距離細味 套裝積木講求依次組裝，自由創作則強調想像力。Andy稱，除自行繪製草圖及計算當中的比例外，還要在選擇配件上拿捏得宜，「同一個位都可以用好多唔同嘅配件去演繹」，否則一裝一拆更加費時。他又指，創作時最常面對缺少配件，雖可網上訂購配件，但部分配件價格較貴，故選用一些常見顏色及配件。
|
